Íslandsvinurinn og rapparinn Elliot John Gleave, betur þekktur sem Example, og fyrirsætan Erin McNaught eru skilin eftir 11 ára hjónaband. 

Fyrrum hjónin deildu sameiginlegri færslu á Instagram þar sem þau sögðust hafa skilið fyrir hálfu ári síðan. Example og McNaught eiga tvö börn saman, Evander sem er sjö ára og Ennio sem er fimm ára. 

Vildu ljúka hjónabandinu á góðum nótum

„Í byrjun sumars ákváðum við að skilja. Við áttum ótrúleg 11 ár saman, en aðeins of mikið af ævintýrum. Auðvitað eyddum við miklum tíma í að reyna að átta okkur á hlutunum á bak við tjöldin, en við skynjuðum að kannski væri tíma okkar sem hjón að ljúka. Við höfum ákveðið að fara hvort í sína áttina á meðan enn ríkir mikil ást og virðing á milli okkar,“ skrifuðu þau á Instagram. 

Yfir sig hrifinn af Íslandi

Árið 2011 gaf rapparinn út lagið Midnight Run, en í tónlistarmyndbandinu sem tekið er upp hér á Íslandi kemur leikarinn Þorsteinn Bachmann fyrir. Rapparinn var yfir sig hrifinn af landinu og hefur meðal annars talað um fallegu náttúruna, síbreytilega veðrið og hákarlinn á Íslandi. 

Tengdar fréttir

Ást í Hollywood

Swift slær Spotify-met

• Komin aftur í fang fyrrverandi unnusta síns
• Deilurnar halda áfram
• Eru heitustu hjónin í Hollywood að skilja?
• Wilson nafngreinir fyrsta bólfélaga sinn

» Fleiri tengdar fréttir

• Blogga um frétt