Gullpiparsveinninn fór á skeljarnar í beinni
Setja bókamerki
Tengdar fréttir
Ást
Lokaþátturinn af raunveruleikaþættinum The Golden Bachelor var sýndur á fimmtudag. Eftir margar seríur af The Bachelor/Bachelorette gafst áhorfendum loks tækifæri á að fylgjast með keppendum yfir fimmtugu leita að ástinni. Hinn 71 árs gamli Gerry Turner var valinn úr hópi umsækjenda og 22 konur, 50 ára og eldri, reyndu að vinna ástir hans.
Á fimmtudag stóðu tvær konur eftir, Theresa Nist og Leslie Fhima, sem báðar höfðu heillað piparsveininn upp úr skónum síðustu vikurnar. Turner endaði á að biðja um hönd Nist og fór með ástarjátningu til hennar í dramatískum lokaþætti seríunnar. „Þú ert sú sem ég get ómögulega lifað án,“ sagði Turner rétt áður en hann fór niður á skeljarnar og bað hinnar sjötugu Nist ásamt því að afhenda henni lokarósina, sem var gyllt á litinn. Nýtrúlofaða parið mun giftast í beinni útsendingu í upphafi næsta árs.
Gullpiparsveinninn giftist æskuástinni sinni, Toni Turner, árið 1974, og voru þau hamingjusamlega gift í 43 ár. Saman eignuðust þau tvær dætur, Angie og Jenny. Þær hvöttu föður sinn til að finna ástina í þættinum, en eiginkona hans lést árið 2017 eftir erfið veikindi.
Tengdar fréttir
Ást
Myndband: Hnúfubakar komu fjölskyldu á bát á óvart
Umboðsmaður barna krefur ráðherra um svör
/frimg/1/50/63/1506351.jpg)
Halla komin „á hálan ís“ í auglýsingu Brimborgar
„Björguðu lífi þessa fólks“
Sláandi tölur kalla á djúpa greiningu
Stafræna byltingin étur börnin sín
Dagbjört dæmd í 10 ára fangelsi fyrir líkamsárás
„Þú ert bara orðin miðaldra kona“