Fyrrverandi eiginmaðurinn varar Cruise við
Setja bókamerki
Fréttir herma að Tom Cruise sé að slá sér upp með Elsinu Khayrova sem er áhrifavaldur og fyrrverandi eiginkona rússneska ólígarksins Dmitry Tsetkov.
Samkvæmt heimildum MailOnline þá sást til parsins í boði í London og sögðu sjónarvottar að Cruise væri gagntekinn af henni og að þau hafi verið óaðskiljanleg.
Fyrrverandi eiginmaður Khayrovu vill hins vegar vara Cruise við henni. Hann segir hana dýra í rekstri og erfitt að gera henni til hæfis. Hún hafi mjög dýran smekk og að Cruise þurfi að halda veskinu galopnu. Sjálfur segist hann hafa eytt um 12 milljónum pundum í föt og fylgihluti handa henni en þau voru gift í 11 ár. Tsetkov varð ríkur á demöntum og námugreftri. Hann sá þó peningana fuðra upp á meðan á hjónabandinu stóð. Þá var skilnaðurinn einnig mjög kostnaðarsamur.
„Óháð því með hverjum hún er með, Tom Cruise eða einhverjum öðrum, Þá ætti sá að vera meðvitaður um það að hún lifir hátt og hefur dýran smekk. Tom ætti að hafa augun galopin sem og veskið,“ sagði Tsetkov í viðtali við MailOnline.
„Ég samgleðst henni og óska henni alls hins besta,“ bætti hann við.
„Ég hef ekki rætt við Elsinu en við eigum bara í samskiptum í gegnum lögfræðinga okkar. Hún er 36 ára, falleg, fjárhagslega sjálfstæð og elskar lífið. Tom Cruise er uppáhaldsleikarinn minn. Hann er sá allra besti. Ég vil að hann leiki mig,“ segir Tsetkov en framleiðandi frá Hollywood hefur lýst yfir áhuga á að gera kvikmynd um ævi Tsetkov.
„Ég sagði framleiðandanum að eini leikarinn sem gæti leikið mig væri Tom Cruise. Við erum áþekkir í útliti og það væri mikill heiður.“
„Þær áttu bara að læra sína lexíu“
„Ég hélt ég myndi deyja, með dóttur mína í bílnum“
Halla: Líkti Ólafi Ragnari ekki við Robert Mugabe
Braut gegn konum í Eyjum
Ráðist á ferðamenn: „Það var blóð alls staðar“
Forsetinn og utanríkisráðherann látnir
Haustbragur í maí: Snjókoma fyrir norðan