Cassie tjáir sig í fyrsta skipti opinberlega

Söngkonan Cassie Ventura hefur tjáð sig í fyrsta skipti opinberlega eftir að myndskeið af rapparanum og þáverandi kærasta hennar Sean „Diddy“ Combs birtist þar sem hann gengur í skrokk á henni.  

CNN birtis myndskeiðið en þar sést til Diddy grípa í, ýta, draga og sparka í Ventura.

Frétt af mbl.is

Myndskeið: Diddy gekk í skrokk á Ventura

„Gerði mig að manneskju sem ég hélt myndi aldrei verða"

Ventura birtir yfirlýsingu sína í færslu á Instagram. Hún þakkar stuðninginn sem hún hefur fengið undanfarna daga og segir að heimilisofbeldið hafi „brotið mig í að verða einhver manneskja sem ég hélt að ég myndi aldrei verða.”

„Mín eina ósk er að ALLIR opni sig fyrir því að trúa alltaf þolendum fyrst. Það þarf hugrekki til að segja frá aðstæðum þar sem þú ert algjörlega valdalaus,” sagði Ventura í yfirlýsingu sinni.

Í kjölfar þess að CNN birti myndskeiðið birti Diddy myndskeið á Instagram þar sem hann kveðst iðrast gjörða sinna.

„Hegðun mín í myndskeiðinu er óafsakanleg. Ég tek fulla ábyrgð á gjörðum mínum í myndskeiðinu,” sagði Diddy í yfirlýsingu á Instagram.

Ventura höfðaði mál gegn Diddy í fyrra, þar er hann sakaður um nauðgun og mansal. Þau komust að samkomulagi utan dómstóla, degi eftir að hún höfðaði mál gegn honum.

Frétt af mbl.is

Diddy: Hegðun mín er óafsakanleg

Nýlega kærður fyrir ofbeldi og mansal

Nýlega var Diddy kærður fyrir kynferðisofbeldi. Tónlistarframleiðandinn Lil Rod eða Rodney Jones Jr höfðaði mál gegn Diddy þar sem hann ásakar um að hafa beitt sig kynferðislegu- og líkamlegu ofbeldi, þá segir Jones Diddy stunda mansal.

Frétt af mbl.is

Harry nefndur á nafn í kæru gegn Diddy

• Blogga um frétt