Kate Hudson segir það hafa verið mikilvægt fyrir sig að taka sér pásu frá karlmönnum í eitt ár á meðan hún var að vinna í sér. Sálfræðingurinn hennar mælti með því.

„Ég tók árs pásu,“ segir Hudson í hlaðvarpsþættinum Call Her Daddy. Hudson er 45 ára en var á fertugsaldri þegar hún tók þetta skref. 

„Ég átti erfitt með þetta en þetta reyndist frábært. Ég var á þeim stað að ég vildi ekki alltaf vera að endurtaka sömu mistökin í samskiptum. Ég var með sálfræðing sem sagðist geta hjálpað mér en ég þyrfti raunverulega að leggja vinnu í þetta sjálf.“

Hudson segist hafa átt nokkuð erfitt með átakið þar sem hún elskar að daðra við karlmenn. En hún hætti að gefa þeim símanúmerið sitt og hætti öllum textasendingum.

„Þetta var undarlega valdeflandi en varð að lokum óþægilegt og hafði áhrif á orkuna mína.“

„Við vorum að vinna okkur í gegnum ýmsar meðferðir og þetta snerist allt um að komast að þeim hlutum sem voru í gangi hjá mér. Loks komst ég yfir ákveðna hindrun sem var mjög tilfinningarík stund. Ég held að það hefði ekki tekist ef ég hefði verið með hugann við karlmenn.“

Hudson fór að sjá hlutina í réttu ljósi og innan sex mánaða þá hætti hún að hafa áhyggjur af símanum sínum eða með hverjum hún væri. „Ég var ekki að hugsa um einhverja sénsa eða daður. Eftir ár þá leyfði sálfræðingurinn mér að byrja aftur að daðra. Þá var ég ekki eins tilfinningalega háð því að daðra.“

Hudson vill meina að þetta hlé hafi leitt hana að sambandi sínu í dag við Danny Fujikawa sem þykir farsælt.

Danny Fujikawa og Kate Hudson virtust ástfanginn á rauða dreglinum. mbl.is/AFP

Kate Hudson var að gefa út plötu. SCOTT DUDELSON

Tengdar fréttir

Samskipti kynjanna

Þetta eru rauðu flöggin í upphafi sambands

• Ein sem gafst upp á yngri körlum
• Hugrún Egils hætt með breska sjarmörnum
• Lykillinn að farsælu ástarsambandi að búa í sitthvoru húsinu
• „Mér fannst þessi maður gjörsamlega óþolandi“

» Fleiri tengdar fréttir

• Blogga um frétt