Taldi útlit vændiskonu lögreglumál

Maðurinn hringdi í lögregluna því honum fannst vændiskonan ekki vera …
Maðurinn hringdi í lögregluna því honum fannst vændiskonan ekki vera eins myndarleg og hún hafði lýst sér. mbl.is/Jim Smart

Breskur maður hefur fengið áminningu frá lögreglunni eftir að hann hringdi í neyðarnúmerið 999 til að kvarta yfir útliti vændiskonu.

Lögreglunni í West Midlands barst símtal frá manninum sl. þriðjudagskvöld og sagðist hann vilja tilkynna um vörusvik. Hann hefði hitt vændiskonuna í bílastæðahúsi og væri það álit hans að hún væri ekki jafnmyndarleg og hún hafði haldið fram. Þegar hann greindi konunni frá þessu tók hún bíllykla hans, hljóp í burtu og henti lyklunum síðan í hann. Í kjölfarið hringdi maðurinn í lögregluna.

Á upptöku af símtalinu má heyra manninn segja: „Ég hafði ákveðið að hitta hana en áður bað ég hana um að lýsa sér, annars ætlaði ég ekki að nýta mér þjónustu hennar. Í ljós kom að hún lýsti sér ekki rétt, hún gaf algerlega villandi mynd af sér.“

Að sögn lögreglunnar var maðurinn virkilega móðgaður og fannst sjálfsagt að lögreglan  rannsakaði málið. Hún benti honum á að konan hefði ekki brotið af sér en aftur á móti væri það ólöglegt af honum að reyna að kaupa kynlífsþjónustu. Maðurinn neitaði að gefa upp nafn og heimilisfang en lögreglunni tókst að hafa upp á honum og hefur nú sent honum bréf og áminnt hann fyrir að eyða tíma lögreglunnar.

mbl.is

Stjörnuspá »

Hrútur

Sign icon Þú ert oft varaður við því að láta ekki tímann renna þér úr greipum. Ekki halda áfram að gera og segja hluti endurtekið einungis vegna venjunnar.

Stjörnuspá »

Hrútur

Sign icon Þú ert oft varaður við því að láta ekki tímann renna þér úr greipum. Ekki halda áfram að gera og segja hluti endurtekið einungis vegna venjunnar.