Loðnuveiðar | 3. apríl 2023

Einstaklega vel heppnuð loðnuvertíð að baki

Veiðar loðnuskipanna gengu einstaklega vel í mars og tókst að landa tugþúsundum tonna á tiltölulega skömmum tíma vegna einstakra veðurskilyrða. Misstu skipin ekki dag úr veiðum allan mánuðinn vegna veðurs eða sjólags, að því er fram kemur í samantekt um loðnuvertíðina í síðasta blaði 200 mílna.

Einstaklega vel heppnuð loðnuvertíð að baki

Loðnuveiðar | 3. apríl 2023

Nótin dregin í birtingu á Víkingi AK. mbl.is/Börkur Kjartansson

Vertíðin er talin geta skilað vel yfir 40 milljörðum í útflutningstekjur.

Krakkar í 5. bekk grunnskóla Vestmannaeyja kynntust loðnu hjá Vinnslustöðinni. Ljósmynd/Vinnslustöðin

Það var svo mikið að gera í hrognatöku hjá Síldarvinnslunni að sækja þurfti starfsfólk til Grindavíkur. Unnið var allan sólarhringinn á vöktum í nokkrar vikur. Ljósmynd/Síldarvinnslan:Geir Sigurpáll Hlöðversson

Vilhelm Þorsteinsson EA, uppsjávarskip Samherja, er aflamesta skip vertíðarinnar og bar það til hafnar 21.421 tonn. Skipið náði einnig að flytja stærsta loðnufarm vertíðarinnar að bryggju þegar Vilhelm Þorsteinsson kom til Seyðisfjarðar með 3.331 tonn 17. mars.

Mestum loðnuafla var landað í Vestmannaeyjum, alls 81.530 tonnum, sem er fjórðungur alls loðnuaflans. Í Vestmannaeyjum er jafnframt að finna aflamestu loðnuútgerðina, Ísfélag Vestmannaeyja, auk þess má þar finna Vinnslustöðina, en útgerðin landaði 12% aflans.