Það gekk ekki eftir, Valsmenn sýndu styrk sinn og knúðu fram annan sigur á erfiðasta útivelli landsins þrátt fyrir að Tindastóll skoraði 38 stig í ótrúlegum fyrsta leikhluta.

Dálítið sárt fyrir Stólana sem eru í þessu sama einvígi búnir að vinna tvisvar á Hlíðarenda. Að tveir slíkir sigrar hafi ekki fært liðinu Íslandsmeistaratitilinn er eiginlega með ólíkindum, en að sama skapi segir það sitt um karakter Valsmanna og sigurhefð Finns Freys Stefánssonar þjálfara að þeir séu tvívegis búnir að svara fyrir ósigra á heimavelli í þessu einvígi.

Þar með er komin upp nákvæmlega sama staða og í fyrra þegar Valsmenn höfðu betur í oddaleik liðanna og unnu magnaðan sigur á heimavelli sínum á Hlíðarenda.

Bakvörðinn má lesa í heild sinni á íþróttasíðum Morgunblaðsins í dag.