JP Morgan Chase hefur náð sátt í meginatriðum í hópmálsókn sem fórnarlömb Jeffrey Epstein höfðuðu gegn bankanum.

Frétt af mbl.is

Fórnarlömb Epstein fara í mál við banka hans

„Báðir aðilar telja að þetta samkomulag þjóni öllum vel sem að málinu koma, sérstaklega fórnarlömbum hryllilegrar misnotkunar Epsteins,“ sagði í sameiginlegri yfirlýsingu.

Engar frekari upplýsingar um upphæðir voru gefnar í yfirlýsingunni, þar sem kom fram að dómstóll þurfi að samþykkja sáttina sem náðist.

JPMorgan Chase í New York. AFP/Michael M. Santiago

Deutsche Bank náði sams konar sátt í maí, en auðjöfurinn Epstein lést í fangelsi árið 2019.

Báðir bankarnir stunduðu viðskipti við Epstein á sínum tíma.

Frétt af mbl.is

Hvað verður um eigur Epsteins?

„Þetta hefur tekið langan tíma, of langan tíma, en dagurinn í dag er frábær fyrir fórnarlömb Jeffrey Epstein og frábær dagur fyrir réttlætið,“ sagði David Boies hjá lögfræðistofunni Boies Schiller og Flexner sem starfaði fyrir hönd fórnarlamba Epsteins í málarekstrinum gegn báðum bönkunum.

JP Morgan Chase sagðist sjá eftir samskiptum sínum við Epstein. „Við skiljum það öll núna að hegðun Epstein var hryllileg,“ sagði talsmaður bankans.