Morgungrautur með kardimommu, perum og möndlu-kínóa

• 2 bollar soðið kínóa (ég sýð oft slatta og á inni í ísskáp í lokuðu boxi og blanda í salöt, súpur og þennan graut)
• ½ bolli kókosmjólk
• ½  bolli vatn
• ½ tsk. kardimommuduft
• ½ tsk. kanill
• ¼ - ½ tsk. engiferduft
• Smá salt
• Smá vanilla
• 4 steinlausar döðlur skornar í litla bita
• ¼ pera skorin í bita
• 3 msk. möndluflögur ristaðar
• Nokkur frosin ber til að skreyta með ef vill
• Jógúrt eða skyr til að setja með í lokin ef vill

Aðferð:

1. Takið allt hráefnið til nema 1 matskeið af perubitum og 1 matskeið af möndluflögum sem eru geymdar til hliðar til að eiga ofan á grautinn í lokin.
2. Setjið allt í pott og fáið suðuna upp og slökkvið svo undir og hrærið vel saman.
3. Skellið í tvær skálar ásamt góðri jógúrt eða skyri (má alveg sleppa).
4. Toppið með perubitum, möndluflögum og jafnvel smá frosnum berjum.
5. Setjið smá af kanil á grautinn og þið eruð komin með þennan dásamlega haustlega próteinríka kínóagraut á borðið.