Jemen | 29. desember 2023
Danir senda freigátu til Rauðahafsins
Danir hyggjast senda freigátu til Rauðahafsins og Adenflóa til að verða við aukinni þörf á öryggisráðstöfunum á svæðinu.
Danir senda freigátu til Rauðahafsins
Jemen | 29. desember 2023
Setja bókamerki
Danir hyggjast senda freigátu til Rauðahafsins og Adenflóa til að verða við aukinni þörf á öryggisráðstöfunum á svæðinu.
Danir hyggjast senda freigátu til Rauðahafsins og Adenflóa til að verða við aukinni þörf á öryggisráðstöfunum á svæðinu.
Þetta tilkynntu utanríkisráðherra Danmerkur, Lars Løkke Rasmussen, og varnamálaráðherra, Troels Lund Poulsen, að loknum fundi með utanríkismálanefnd Danmerkur í dag.
Nefndin var í dag kölluð óvænt saman úr jólafríi til að fara yfir nýja stefnu varðandi alþjóðlegar aðgerðir.
Skiptir sköpum fyrir skipaumferð
„Við höfum áhyggjur af því alvarlega ástandi sem er að þróast í Rauðahafinu, þar sem tilefnislausar árásir gegn almennum skipum halda áfram. Það skiptir sköpum fyrir bæði danska og alþjóðlega skipaumferð og fyrir þróun á svæðinu að hægt sé að sigla þar með öruggum hætti,“ sagði Poulsen í fréttatilkynningu.
Fjöldi flutningaskipa hafa orðið fyrir árásum að undanförnu og hefur uppreisnarhópur Húta í Jemen gengist við árásunum. Meðal skipana sem ráðist var á var skip frá danska skipaflutningafyrirtækinu Maersk.
