Við Lindarhvamm í Hafnarfirði er að finna 134 fm efri sérhæð og ris í snyrtilegu tvíbýlishúsi sem reist var árið 1963. Á hæðinni er afar sjarmerandi og bjart eldhús sem grípur strax augað. 

Í eldhúsinu má sjá sérsmíðaða innréttingu frá Inngó með góðu vinnu- og skápaplássi. Innréttingin er í fagurbláum lit með stílhreinum fulningum og viðarborðplötu, en liturinn gefur rýminu bæði mýkt og ferskan blæ. 

Mismunandi mynstur og áferð prýðir rýmið og býr til skemmtilegan karakter, þar á meðal eru flottar gólfflísar með Terrazzo-mynstri, stílhreinar hvítar veggflísar og fallegt rifflað gler.

Svartir loftlistar mynda skemmtilegan kontrast

Veggir eldhússins eru hvítmálaðir, en við loftið má sjá svarta loftlista sem mynda skemmtilegan kontrast í rýminu. Loftið er svo málað í mjúkum ljósum lit sem gefur einfalt og fágað yfirbragð sem fanga augað.

Eignin státar af fimm svefnherbergjum og tveimur baðherbergjum, en ásett verð er 84,9 milljónir.

Sjá á fasteignavef mbl.is: Lindarhvammur 8

Í eldhúsinu er bæði gott vinnu- og skápapláss. Ljósmynd/Fasteignaljósmyndun.is

Svartir loftlistar gera mikið fyrir rýmið og búa til skemmtilega stemningnu. Ljósmynd/Fasteignaljósmyndun.is

Rifflað gler gefur rýminu karakter. Ljósmynd/Fasteignaljósmyndun.is