Við Ásbúðartröð í Hafnarfirði er að finna einstaklega sjarmerandi sérhæð á tveimur hæðum í flottu fjölbýlishúsi sem reist var árið 1954. Eignin telur 168 fm og hefur verið innréttuð á fallegan máta. 

Eldhúsið er bjart og minimalískt. Stílhreinir ljósgráir hurðarfrontar prýða eldhúsinnréttinguna sem er með góðu skápa- og vinnuplássi. Engir efri skápar eru í eldhúsinu sem gefur rýminu léttleika og leyfir fallegu dönsku hönnunarljósi frá 101 Copenhagen að njóta sín til fulls. 

Íbúðin hefur verið innréttuð á fallegan máta þar sem ljósir litatónar eru í forgrunni. Ljósmynd/Gunnar Bjarki

Í eldhúsinu eru engir efri skápar, en það gefur rýminu létt og opið yfirbragð. Ljósmynd/Gunnar Bjarki

Fallegir gluggar setja svip sinn á eignina

Í stofunni eru stórir og fallegir gluggar sem hleypa nóg af náttúrulegri birtu inn og setja svip sinn á rýmið. Náttúruleg og stílhrein litapalletta er í forgrunni í rýminu, en grænar plöntur og falleg listaverk skapa bæði hlýju og karakter.

Á efri hæð eignarinnar eru þrjú góð svefnherbergi, þar af er notalegt hjónaherbergi þar sem hlýjir og mjúkir litatónar spila lykilhlutverk. Frá hjónaherberginu er útgengt á suðursvalir. Þá er einnig flísalagt baðherbergi á hæðinni með baðkari og sturtu.

Sjá á fasteignavef mbl.is: Ásbúðartröð 9

Í stofunni eru afar fallegir gluggar sem hleypa mikilli birtu inn. Ljósmynd/Gunnar Bjarki

Í sjónvarpsstofunni er notaleg stemning, en þar má meðal annars sjá fallegt veggljós frá Flos sem Paolo Rizzatto hannaði. Ljósmynd/Gunnar Bjarki

Fallegur stigi liggur á milli hæðanna. Ljósmynd/Gunnar Bjarki

Í hjónaherberginu eru mjúkir og hlýlegir litir í forgrunni. Ljósmynd/Gunnar Bjarki