Valentínusardagurinn fór ekki vel af stað hjá fatahönnuðinum og fyrrverandi Kryddpíunni, Victoriu Beckham. Hún lenti í því leiðinda óhappi að fótbrjóta sig á miðri æfingu í tækjasal sem Beckham-fjölskyldan er með á einu af heimilum sínum.

Victoria datt og sneri sig. Hún hlaut heldur slæmt brot á framristarbein að sögn eiginmanns hennar, fyrrum fótboltakappans David Beckham, en sá birti mynd á Instagram Story af fæti Victoriu. Myndin sýnir fótinn vel innpakkaðan og klæddan svörtu sjúkrastígvéli. 

Hjónin hafa gantast lítillega um óhappið á samfélagsmiðlum og grínaðist David meðal annars um stærð stóru táar eiginkonu sinnar þegar hún birti mynd af fætinum með íspakka.  

Victoria þarf að klæðast sjúkraskó í einhverjar vikur. Samsett mynd