Þegar selja á fasteign geta góðar myndir af eigninni skipt sköpum, enda eru þær oft það fyrsta sem fangar athygli fólks og auka líkur á því að eignin veki eftirtekt.
Þegar selja á fasteign geta góðar myndir af eigninni skipt sköpum, enda eru þær oft það fyrsta sem fangar athygli fólks og auka líkur á því að eignin veki eftirtekt.
Þegar selja á fasteign geta góðar myndir af eigninni skipt sköpum, enda eru þær oft það fyrsta sem fangar athygli fólks og auka líkur á því að eignin veki eftirtekt.
Undirbúningur fyrir myndatöku er lykilatriði og það er vel hægt að gera heimilið söluvænlegra með nokkrum einföldum ráðum. Í þessum undirbúningi er að sjálfsögðu mikilvægt að þrífa heimilið hátt og lágt, en það er ekki síður mikilvægt að eignin fái að njóta sín og þá getur verið gott að létta á rýmunum og auka birtuflæði.
Yfirhlaðin rými geta verið fráhrindandi og dregið athyglina frá eigninni og því er góð regla að hafa einfaldleikann í fyrirrúmi og leitast við að finna jafnvægið á milli þess að hafa eignina heimilislega og notalega, en um leið ekki of persónulega svo hugsanlegir kaupendur eigi auðveldara með að sjá möguleika eignarinnar og máta heimilið við sig og sinn stíl.
1. Einfaldleikinn í forgrunni
Mikið af smáhlutum eða persónulegum munum getur verið fráhrindandi. Leyfðu eigninni að njóta sín betur með því að fjarlægja óþarfa hluti af gólfum og borðum, það stækkar rýmið og lítur betur út á myndum.
2. Snyrtileg aðkoma
Hafðu aðkomuna að húsinu snyrtilega og forðastu að leggja bílnum í innkeyrslunni eða fyrir framan húsið.
3. Tiltekt í garðinum
Frískaðu upp á garðinn, pallinn eða svalirnar með þrifum og hafðu sem fæsta hluti til sýnis. Fjarlægðu rusl, lauf, greinar, leikföng og garðáhöld.
4. Hleyptu birtunni inn
Dragðu allar gardínur frá og reyndu að hleypa eins mikilli náttúrulegri birtu inn og hægt er. Athugaði líka að perur virki í öllum ljósum á heimilinu.
5. Stílhreint baðherbergi
Fjarlægðu muni af baðherbergi eins og sjampó, sápu, tannbursta og krem en einnig hluti eins og klósettbursta og ruslafötu af gólfi. Hafðu fallega sápu við vaskinn og skreyttu rýmið með flottum handklæðum, kertum og plöntum.
6. Engar snúrur
Feldu snúrur, fjöltengi og fjarstýringar fyrir myndatökuna og passaði að hafa slökkt á öllum skjáum eins og sjónvarpi og tölvuskjáum.
7. Búðu til stemningu
Búðu til stemningu fyrir myndatökuna, t.d. með því að setja falleg blóm í vasa, hafa ferska sítrusávexti í skál á borðinu, kveikja á kertum, skreyta með fallegum bókum, plöntum og þurrkuðum stráum.
8. Ekkert kám
Passaðu að þrífa vel alla spegla, gler, króm og aðra hluti þar sem kám getur verið augljóst á myndum.
9. Minna er yfirleitt betra
Ef það eru opnar hillur eða skápar á heimilinu getur verið sniðugt að minnka dótið í þeim.
10. Notalegt svefnherbergi
Búðu vel um rúmið og notaðu fallega púða og rúmteppi. Hafðu fáa hluti á náttborðunum og fjarlægðu aukadót eins og þvottakörfur.