Við Birkiholt á Álftanesi er til sölu 181 fm endaraðhús sem reist var árið 2004. Eignin er á tveimur hæðum og státar af góðum garði með timburverönd á neðri hæð og tvennum svölum á efri hæð.
Við Birkiholt á Álftanesi er til sölu 181 fm endaraðhús sem reist var árið 2004. Eignin er á tveimur hæðum og státar af góðum garði með timburverönd á neðri hæð og tvennum svölum á efri hæð.
Við Birkiholt á Álftanesi er til sölu 181 fm endaraðhús sem reist var árið 2004. Eignin er á tveimur hæðum og státar af góðum garði með timburverönd á neðri hæð og tvennum svölum á efri hæð.
Náttúruleg litapalletta og efniviður flæðir í gegnum húsið og skapa notalega stemningu, en eignin hefur verið innréttuð á afar stílhreinan máta þar sem engu er ofaukið og hver hlutur fær að njóta sín.
Á neðri hæð hússins eru eldhús, borðstofa og stofa samliggjandi í björtu alrými. Stórir gluggar prýða rýmið og hleypa mikilli birtu inn, en þaðan er útgengt á flotta timburverönd úr lerki sem snýr í suðvestur.
Fallegir hönnunarmunir og listaverk gefa eigninni skandinavískt yfirbragð, en á heimilinu er mikið af dönskum hönnunarmunum og fallegum listaverkum, þar á meðal er verk eftir myndlistarmanninn Leif Ými Eyjólfsson sem gefur rýminu skemmtilegan karakter. Í stofunni má sjá stílhreinan hönnunarsófa frá danska merkinu Hay ásamt formfögrum lampa frá Ferm Living og skemmtilegum hillueiningum frá String.
Skemmtilegt skipulag er á húsinu, en þegar gengið er upp á efri hæðina blasir við gott sjónvarpshol með útgengi á suðvestursvalir. Á hæðinni má einnig finna tvö barnaherbergi og rúmgott hjónaherbergi með góðu skápaplássi. Þar er einnig bjart og stílhreint baðherbergi með marmaraflísum og baðkeri frá Philippe Starck.