Þorbjörg Marinósdóttir, Tobba, bauð í teiti á veitingastaðnum Lemon þar sem hún var að kynna nýja kaffisjeik sem hún gerði í samstarfi við staðinn. Tobba hóf samstarf við Lemon eftir að hún seldi Granólabarinn sem hún rak um tíma úti á Granda.
Þorbjörg Marinósdóttir, Tobba, bauð í teiti á veitingastaðnum Lemon þar sem hún var að kynna nýja kaffisjeik sem hún gerði í samstarfi við staðinn. Tobba hóf samstarf við Lemon eftir að hún seldi Granólabarinn sem hún rak um tíma úti á Granda.
Þorbjörg Marinósdóttir, Tobba, bauð í teiti á veitingastaðnum Lemon þar sem hún var að kynna nýja kaffisjeik sem hún gerði í samstarfi við staðinn. Tobba hóf samstarf við Lemon eftir að hún seldi Granólabarinn sem hún rak um tíma úti á Granda.
„Það er ekki nema von að fólk elski þennan drykk. Hann inniheldur aðeins kaffi, frosinn banana, heslihnetumjólk, hnetusmjör og döðlur. Við erum öll orðin dauðleið á matvöru sem er í raun ekkert annað en iðnaðarvara - oft stútfull af aukaefnum og dulbúnum sykri. Ég er svo alsæl að Fía og Gurrý, eigendur Lemon, séu með mér í að breiða út fagnaðarerindi. Fá og góð hráefni og ekkert drasl takk. Þær selja einnig partýkúlurnar mínar og detox pakkana. Það þarf enginn að vera með þrútinn og þjakaður þegar hægt er að panta sér allt þetta fínerí,” segir Tobba og segir frá því að hún taki alltaf fimm safadaga í mánuði.
„Sjálf tek ég alltaf 5 daga selleríhreinsun í mánuði. Ég þreytist ekki á að lofa þessa ljósgulu brúska sem á einhvern undraverðan hátt hafa umbreytt lífi mínu. Húðin á mér elskar þetta sull og ég held sykurpúkanum í skefjum með því að drekka eina flösku á fastandi maga á morgnanna. Fyrir utan hvað sellerísafi er hreinsandi og jafnar blóðsykurinn. En ég skal ekkert ljúga að ykkur, þetta er ekki góður drykkur en hann snarvirkar.“
Tobba er með mörg járn í eldinum þessa dagana en í síðustu viku var sagt frá því að hún hefði verið ráðin sem upplýsingafulltrúi menningar- og viðskiptaráðuneytis. Hún byrjaði í nýja starfinu á mánudaginn en fékk hádegishlé til þess að halda teiti á Lemon.
Eins og sést á myndunum mættu góðir gestir í boðið hjá Tobbu og rann kaffisjeikinn ljúflega niður.