Á fasteignavef mbl.is er fjölbreytt úrval af sumarhúsum til sölu um allt land. Húsin eru í öllum stærðum og gerðum, allt frá því að vera lítil krútthús yfir í gríðarstórar lúxusvillur, og kosta frá 3,5 milljónum og upp í 139 milljónir.
Á fasteignavef mbl.is er fjölbreytt úrval af sumarhúsum til sölu um allt land. Húsin eru í öllum stærðum og gerðum, allt frá því að vera lítil krútthús yfir í gríðarstórar lúxusvillur, og kosta frá 3,5 milljónum og upp í 139 milljónir.
Á fasteignavef mbl.is er fjölbreytt úrval af sumarhúsum til sölu um allt land. Húsin eru í öllum stærðum og gerðum, allt frá því að vera lítil krútthús yfir í gríðarstórar lúxusvillur, og kosta frá 3,5 milljónum og upp í 139 milljónir.
Smartland tók saman lista yfir sumarhús sem kosta yfir 100 milljónir, en þau eiga það öll sameiginlegt að vera af glæsilegri gerðinni.
Í Lundaskógi í Fnjóskadal er til sölu glæsilegt 138 fm sumarhús á tveimur hæðum sem reist var árið 2022. Húsið er fallega hannað bæði að innan og utan, en Valbjörn Vilhjálmsson er hönnuður hússins á meðan Sæbjörg Guðjónsdóttir innanhússhönnuður, eða Sæja eins og hún er jafnan kölluð, sá um hönnunina að innan.
Sjá á fasteignavef mbl.is: Höfðabyggð
Í landi Torfastaða í Bláskógabyggð er til sölu flottur 147 fm sumarhús á einni hæð sem reist var árið 2022. Góð lofthæð og stórir gluggar gefa eigninni sjarmerandi yfirbragð, en við húsið er 130 fm sólpallur sem snýr í suður með heitum potti sem rúmar allt að átta manns.
Sjá á fasteignavef mbl.is: Torfastaðakot 17
Við Víðibrekku í Grímsnesi er til sölu sjarmerandi 174 fm sumarhús á tveimur hæðum sem reist var árið 2008. Umhverfis húsið er stór pallur sem var stækkaður árið 2020, en þar má finna nýlegan heitan pott og saunu með glæsilegu útsýni.
Sjá á fasteignavef mbl.is: Víðibrekka 21
Við Birkihlíð í Hvalfjarðarsveit er til sölu stílhreint 150 fm sumarhús á einni hæð sem reist var árið 2023. Húsið er innflutt frá Litháen og státar af mikilli lofthæð og gólfsíðum gluggum sem hleypa mikilli birtu inn.
Sjá á fasteignavef mbl.is: Birkihlíð 5
Við Indriðastaðahlíð í Skorradal er til sölu tignarlegt 197 fm sumarhús á tveimur hæðum sem var byggt árið 2010. Húsið stendur hátt í hlíðinni og státar af fallegu útsýni um Skorradal, til Snæfellsjökuls, upp í Skarðsheiðina og að Skessuhorni.