Katrín Jakobsdóttir, fráfarandi forsætisráðherra, valdi íslenska hönnun þegar hún tilkynnti forsetaframboð sitt á samfélagsmiðlum í dag. Pils og kjóll eftir fatahönnuðinn Steinunni Sigurðardóttur varð fyrir valinu en hún rekur tískuhúsið STEINUNN.
Katrín Jakobsdóttir, fráfarandi forsætisráðherra, valdi íslenska hönnun þegar hún tilkynnti forsetaframboð sitt á samfélagsmiðlum í dag. Pils og kjóll eftir fatahönnuðinn Steinunni Sigurðardóttur varð fyrir valinu en hún rekur tískuhúsið STEINUNN.
Katrín Jakobsdóttir, fráfarandi forsætisráðherra, valdi íslenska hönnun þegar hún tilkynnti forsetaframboð sitt á samfélagsmiðlum í dag. Pils og kjóll eftir fatahönnuðinn Steinunni Sigurðardóttur varð fyrir valinu en hún rekur tískuhúsið STEINUNN.
Katrín var í dökkblárri peysu og pilsi í stíl frá Steinunni. Settið er ekki alveg nýtt af nálinni og er ekki fáanlegt lengur í versluninni sem er úti á Granda.
Þetta er ekki í fyrsta skipti sem Katrín velur hönnun frá Steinunni þegar mikið liggur við. Katrín tók á móti leiðtogum Evrópuráðsins í Hörpu í fyrra í fötum frá Steinunni. Þá var hún klædd í vínrauðan ullarjakka með slaufukraga og pils með prjónaðri skreytingu að neðan.
Steinunn er einn af virtustu hönnuðum Íslands. Hún lærði í Parsons School of Design en fór fljótlega eftir útskrift að vinna fyrir þekkt tískuhús eins og Calvin Klein, Gucci Group og La Perla eða þangað til hún opnaði sitt eigið tískuhús árið 2000.
Í viðtali við Smartland fyrir nokkrum árum sagði Steinunn að fatnaður væri stór hluti af hversdagslífinu og að hann skipti máli.
„Fatnaður er mjög stór hluti af hversdagslífinu, við þurfum jú öll að klæða okkur. Fyrir mér er fataskápurinn best geymda leyndarmál einstaklingsins. Einstaklingurinn stendur andspænis fataskápnum daglega og velur sér búning fyrir hlutverk dagsins,“ sagði Steinunn í viðtalinu sem hægt er að lesa hér fyrir neðan: