Kristilegir demókratar í uppsveiflu í Svíþjóð

Kaupmannahöfn. Morgunblaðið.
UPPSVEIFLA Kristilega demókrataflokksins í sænsku kosningabaráttunni sýnir að kjósendur vilja hlusta á annað en efnahags- og skattatal. Þeir vilja heyra af gildum og hugsjónum. Þessa ályktun draga sænskir stjórnmálaskýrendur af því að flokkurinn er nú þriðji stærsti flokkurinn samkvæmt skoðanakönnunum, með rúmlega tíu prósenta fylgi. Þar með hefur hann skotið Vinstriflokknum ref fyrir rass, en sá flokkur hefur dalað skyndilega. Í fljótu bragði gæti velgengni Kristilega demókrataflokksins aukið líkur á hægristjórn, en þar sem fylgisaukningin virðist koma frá frá öðrum flokkum á hægrivængnum er ekki víst að svo sé.
  Alf Svensson, formaður Kristilega demókrataflokksins, ljómar þessa dagana, því á rúmlega aldarfjórðungsferli sem flokksformaður hefur ekki blásið jafnbyrlega fyrir flokki hans. Svo virðist sem kjósendur virðist í málflutningi hans finna traustvekjandi öryggi. Einnig er bent á að sú mikla athygli, sem beinist að þeim Göran Persson forsætisráðherra og Carl Bildt formanni Hægriflokksins, kunni að valda því að kjósendur svipist um eftir öðrum valkosti. Jafnaðarmenn njóta nú fylgis 37,4 prósenta kjósenda, sem er átta prósentum undir kosningaúrslitunum 1994, meðan Hægriflokkurinn hefur 23,8 prósent, rúmu prósenti yfir fylginu 1994.
Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...
Jöklar - Hús fyrir ferðaþjónustu
Jöklar hafa átt miklu fylgi að fagna frá því þau komu fyrst á sjónarsviðið, vori...
Giftingar- og trúlofunarhringar frá ERNU
Dæmi um handsmíðað par úr silfri með alexandrite-steini, sem gefur mikið litafló...
Þreyttur á reykinga- myglulykt, lausn ?
Eyðir flest allri ólykt, m.a. Myglu-gró ásamt og raka- reykinga- og brunalykt. ...