Dönsk kona um borð í vélinni

Ættingjar og vinir farþega í frönsku flugvélinni bíða frétta á ...
Ættingjar og vinir farþega í frönsku flugvélinni bíða frétta á Charles de Gaulle flugvelli í París. Reuters

Talið er að dönsk kona hafi verið um borð í flugvélinni, sem hvarf yfir Atlantshafi í morgun. Að sögn fréttavefjar Berlingske Tidende hefur utanríkisráðuneytið danska þó ekki staðfest þessar fréttir. 228 manns voru í vélinni, sem var á leið frá Brasilíu til Frakklands.

Óttast er að flugvélin hafi hrapað í hafið eftir að hafa orðið fyrir vélarbilun. Að sögn talsmanna flugfélagsins eru líkur leiddar að því, að eldingu hafi lostið niður í vélina og rafkerfið hafi bilað.

Farþegar vélarinnar voru aðallega frá Brasilíu en auk þess er talið að um 40 Frakkar, 30 Þjóðverjar, 5 Ítalir og einn Dani hafi verið um borð. Þá telja bresk yfirvöld líklegt að einhverjir Bretar hafi verið þar líka.

Brasilíski flugherinn sendi flugvélar af stað til leitar í morgun. Þá fór frönsk herflugvél, sem er með bækistöðvar í Senegal, út yfir Atlantshaf til að taka þátt í leitinni. Um er að ræða flugvél af gerðinni Breguet Atlantique, sem hefur mikið flugþol.

Hafi farþegaflugvélin farist með öllum um borð er þetta mesta flugslys, sem orðið hefur í sögu Air France frá árinu 2000 þegar Concorde flugvél félagsins brotlenti nálægt Charles de Gaulle flugvellinum en þá fórust 113 manns.  Hlutabréf félagsins lækkuðu í verði í kauphöllinni í París í morgun í kjölfar fréttanna. 

mbl.is

Bloggað um fréttina

Laust í feb-mars. Biskupstungur..
Sumarhús, - Gisting fyrir 5-6, leiksvæði og stutt að Geysi og Gullfossi. Velkomi...
GLÆSILEGT HÚS T LEIGU Í VENTURA FLORIDA
Í húsi sem er v. 18 holu golfvöll eru 3 svh. m. sjónv., 2 bh., 1 wc, stór stofa,...
SUMARHÚSALÓÐ Í ÖNDVERÐARNESI TIL SÖLU
Grjóthólsbraut 13, innst í botlanga, við golfvöllinn, hola 11. Rotþró, rafm. og ...
Leikjavefurinn Snilld - www.snilld.is
www.snilld.is - Frábært úrval af leikjum á leikjavefnum Snilld. Skelltu þér in...
 
Bækur til sölu
Til sölu
Bækur til sölu Menntamál 1.-42. árg. ...
Formannskjör
Fundir - mannfagnaðir
Formannskjör í Sjúkraliðafélagi Ísla...
Félagsstarf
Staður og stund
Aflagrandi 40 Opin vinnustofa kl. 9, jóg...
Félagsstarf
Staður og stund
Aflagrandi 40 Opin vinnustofa frá kl. 9,...