Með kíló af heróíni innvortis

Lögreglan í Slóveníu sagðist í dag hafa handtekið nígerískan mann fyrir að hafa gert tilraun til að smygla nærri því heilu kílói af heróíni inn til landsins. Fíkniefnið faldi maðurinn innvortis.

Talsmaður lögreglunnar sagði AFP fréttastofunni að maðurinn sem er 31 árs hefði verið á leið frá Prag og hefði verið stöðvaður á flugvellinum í Bratislava með 65 plastpakka með heróíni sem hann hafði gleypt.

Tvær vikur eru síðan 34 ára Nígeríumaður var stöðvaður fyrir að smygla 700 grömmum af kókaíni að verðmæti 59 milljónir íslenskra króna með sömu aðferð á sama flugvelli.

Báðir eru mennirnir frá Nígeríu og báðir komu þeir til Bratislava frá Prag og eiga þeir yfir höfði sér ævilangt fangelsi

• 2 blogg um fréttina

Bloggað um fréttina

• Anna Sigríður Guðmundsdóttir: Heróín er hættulegt en hvers vegna leiðist fólk út í …
• Mummi Guð: Ég er að pæla....