Ríkissaksóknari Líbanons segir að fjórar handtökuskipanir hafi verið gefnar út af sérstökum dómstóli í Líbanon sem var settur á laggirnar vegna morðsins á Rafi Hariri, fyrrverandi forsætisráðherra landins.
Saad Hariri, sonur forsætisráðherrans fyrrverandi, fagnar þessum tíðindum og segir að þetta sé söguleg stund í sögu landsins, að því er breska útvarpið skýrir frá.
Hariri og 21 til viðbótar lét lífið þegar öflug sprengja sprakk í miðborg Beirútar í febrúar 2005..
Líbanskir fréttamiðlar segja að ákærur hafi verið gefnar út á hendur hátt settra liðsmanna Hizbollah-samtökin.
Hizbollah hafa ítrekað fordæmt dómstólinn, sem nýtur stuðnings Sameinuðu þjóðanna, og hafa hótað hefndum.
Mikill styr hefur staðið um dómstólinn, sem hefur aðsetur í Haag. Pólítískt neyðarástand hefur skapast og margir óttast að trúarbragðaátök muni blossa upp.
Ríkisstjórn Líbanons mun funda í dag til að komast að samkomulagi um stefnu stjórnvalda gagnvart dómstólnum.