Breska þingið kallað saman

Breska þingið verður kallað saman á fimmtudag vegna óeirðanna í Lundúnum og í öðrum borgum í Bretlandi, að sögn Davids Camerons, forsætisráðherra Bretlands. Eins verður fjölgað í lögreglunni í Lundúnum.

Cameron greindi frá þessu eftir neyðarfund í Downing-stræti í morgun en Cameron gerði hlé á sumarleyfi sínu í gærkvöldi vegna ástandsins í landinu. Breska þingið hefur ekki verið kallað saman úr sumarleyfi síðan árið 2002.

Meðal þess sem verður gripið til er að fjölga lögreglumönnum á vakt um tíu þúsund að næturlagi. Í gærkvöldi voru sex þúsund lögreglumenn á vakt í borginni en verða 16 þúsund í kvöld.

Cameron segir að sú eyðilegging sem unnin hafi verið á heimilum fólks og eignum þess sem og eigenda fyrirtækja sé ekkert annað en lögbrot og stemma þurfi stigu við slíku framferði. 

Cameron kom heim frá Ítalíu í nótt og vildi ekki tjá sig við BBC um hvers vegna hann hefði ekki snúið fyrr heim vegna ástandsins heima fyrir.
mbl.is
Húsgagnaviðgerðir og bólstrun
Ég tek að mér viðgerðir og bólstrun á gömlum og nýjum húsgögnum. Starfsemin fer ...
Íbúð til leigu á Seltjarnarnesi
Íbúð í einbýlishúsi með sérinngangi. Óskum eftir snyrtilegum, reyklausum og tr...
STIGAR OG HANDRIÐ ALLAR MÖGULEGAR GERÐIR
Hagstæð verð, sjá meðal annars: http://www.youtube.com/watch?v=73dIQgOl2JQ...