Bílalest með flak malasísku farþegaþotunnar sem hrapaði í Úkraínu í sumar kom til Hollands í dag. Þar verður flakið sett saman og ítarleg rannsókn gerð á orsökum slyssins.

Átta flutningabílar fluttu flak vélarinnar frá Úkraínu og til Hollands. Lokaáfangastaður flaksins er herstöð í suðurhluta Hollands. Þangað mun bílalestin koma um kl. 13 í dag. 

Vélin var skotin niður er hún var á flugi yfir austurhluta Úkraínu hinn 17. júlí. Allir sem voru um borð, 298 manns, létust. Flestir voru hollenskir ríkisborgarar.

Úkraína og vesturríkin hafa sakað Rússa um að bera ábyrgð á slysinu og segja þá hafa útvegað uppreisnarmönnum í austurhluta Úkraínu vopn. 

Ættingjar þeirra sem fórust geta skoðað flak vélarinnar áður en það verður sett inn í byggingu á herstöðinni.

Tengdar fréttir

Farþegaþota hrapar í Úkraínu

Pútín beri ábyrgð á vopninu sem grandaði vélinni

• Rannsókn á máli MH17 hætt
• Rússar segja dóminn hneyksli
• Þrír sakfelldir fyrir að granda MH17
• Gengu erinda hersins þegar þeir grönduðu MH17

» Fleiri tengdar fréttir

• Blogga um frétt