FBI sakar N-Kóreu um tölvuárás

Bandaríska alríkislögreglan (FBI) segir að stjórnvöld í Norður-Kóreu beri ábyrgð á tölvuárás sem Sony Pictures varð fyrir vegna gamanmyndar sem fyrirtækið framleiddi sem fjallar um Kim Jong-un, leiðtoga N-Kóreu.

FBI segir að rannsókn á hugbúnaði sem var notaður í árásinni hafi sýnt fram á tengsl við Norður-Kóreu. Þetta kemur fram á vef breska ríkisútvarpsins. 

Sony hefur hætt við að frumsýna kvikmyndina The Interview í kjölfar hótana sem hafa borist frá tölvuþrjótum. Þeir höfðu m.a. komist yfir og birt viðkvæmar upplýsingar sem voru geymdar í tölvum Sony. 

CNN hefur eftir tölvuþrjótunum, að þeir fagni ákvörðun Sony um leið og þeir vara fyrirtækið við því að gefa út myndina á öðru formi. 

Margir listamenn eru æfir vegna ákvörðunar Sony. Leikarinn George Clooney er þeirrar skoðunar að gefa eigi út myndina á netinu. 

Þá hefur talsmaður Hvíta hússins í Washington sagt að árásin á Sony varði þjóðaröryggismál. Hann sagði ennfremur, að bandarískir embættismenn hefðu farið yfir málið og væru að íhuga viðbrögð. 

mbl.is

Bloggað um fréttina

Skrifstofuhúsnæði Bolholti 4 til leigu
Til leigu er 230 fermetra skrifstofurými í austurenda á 5. og efstu hæð Bolholts...
Nudd fyrir vellíðan og slökun
LÁTTU DEKRA VIÐ ÞIG MEÐ AFSLAPPANDI NUDDI. HEIT OLIA OG STEINAR. Allir með ...
Húsaviðgerðir
https://www.husco.is/...
Lok á heita potta og hitaveituskeljar
Lok á heita potta og hitaveitu- skeljar Stærðir í cm: 200x200, 210x210, 220x220,...