Angela Merkel Þýskalandskanslari er skelfingu lostin eftir sprengjuárásina sem gerð var á rútu Borussia Dortmund fyrir fyrirhugaðan leik liðsins gegn Monaco. Talsmaður Merkel segir að kanslarinn skili góðum kveðjum til leikmanna og hún óski Dortmund góðs gengis í leiknum, sem fer fram síðdegis.

„Kanslarinn var, eins og íbúar Dortmund og milljónir manna, skelfingu lostin vegna frétta af árásinni á liðsrútu Dortmund, sagði Steffen Seibert, talsmaður Merkel við fréttamenn í dag.

„Þetta er andstyggilegt. Við erum fegin að afleiðingarnar voru ekki alvarlegri,“ bætti Seibert við og hrósaði um leið viðbrögðum stuðningsmanna sem voru komnir á völlinn í gær.

Viðureignin er fyrri leikur liðanna í 8-liða úrslitum Meistaradeildar Evrópu í knattspyrnu. Leiknum var frestað til dagsins í dag og hefst hann klukkan 16.45 að íslenskum tíma.

Angela Merkel. AFP

Tengdar fréttir

Sprengjuárás í Dortmund

Viðurkennir árás á rútu Dortmund

• Keppast um að lýsa ábyrgð á árás
• Áttaði mig á því hvað ég er heppinn
• Fótbolti ekki það mikilvægasta í heimi
• Einn maður handtekinn í Dortmund

» Fleiri tengdar fréttir

• Blogga um frétt