Öll fórnarlömbin múslímar

AFP

Tveir eru mjög alvarlega særðir eftir árás í London í gærkvöldi. Einn lést og tíu særðust þegar 48 ára gamall maður ók sendibifreið inn í hóp fólks á gangstétt skammt frá mosku í borginni. Öll fórnarlömb árásarinnar eru múslímar en árásarmaðurinn sagðist vilja drepa alla múslíma, að sögn manns sem var á vettvangi og aðstoðaði við að yfirbuga árásarmanninn.

Sendibifreiðin sem ekið var inn í hóp múslíma í nótt.
Sendibifreiðin sem ekið var inn í hóp múslíma í nótt. AFP

Fjölmargir voru á svæðinu þegar sendibifreiðinni var ekið inn í hópinn fyrir utan moskuna í Finsbury Park en fólkið var að koma frá kvöldbænum í moskunni. Átta þeirra sem særðust eru á sjúkrahúsi en tveir fengu að fljótlega að fara heim eftir að búið var að gera að sárum þeirra. 

Forsætisráðherra Bretlands, Theresa May, sagði í nótt að líklega væri þetta hryðjuverkaárás en hún mun stýra neyðarfundi ráðherra vegna málsins síðar í dag. Hryðjuverkadeild lögreglunnar rannsakar árásina.

AFP

Leiðtogar múslíma í Bretlandi segja að árásin hafi beinst gegn múslímum sem voru að yfirgefa moskuna skömmu eftir miðnætti. Þeir segja árásina tengjast auknu hatri gagnvart múslímum í Bretlandi. 

Abdiqadir Warra, sem varð vitni að árásinni, segir í samtali við AFP-fréttastofuna að sendibifreiðinni hafi verið ekið á fólkið og sumt af því hafi dregist nokkra metra með bifreiðinni eftir götunni.

AFP

Borgarstjórinn í London, Sadiq Khan, segir árásin skelfilega hryðjuverkaárás sem beint hafi verið gegn saklausum íbúum borgarinnar sem voru að ljúka kvöldbænum í heilagasta mánuði múslíma, Ramadan.

Abdul Rahman, einn þeirra sem BBC ræddi við, segir að sendibílnum hafi verið ekið vísvitandi inn í hóp 10-15 manna. 

AFP
AFP
mbl.is
Kvæði Bjarna Thorarensen 1847
Til sölu afar fágæt ljóðabók eftir Bjarna Thorarensen amtmann, Kvæði, prentuð í ...
Húsgagnaviðgerðir og bólstrun
Ég tek að mér viðgerðir og bólstrun á gömlum og nýjum húsgögnum. Starfsemin fer ...
faglærðir málarar
Faglærðir málarar Tökum að okkur öll almenn málningarstörf. Tilboð eða tímavinna...
 
Félagsstarf
Staður og stund
Aflagrandi 40 Opin vinnustofa kl. 9, jóg...
Samkoma
Félagsstarf
Samkoma kl. 20 í Kristniboðs- salnum. R...
Félagsstarf
Staður og stund
Aflagrandi 40 Opin vinnustofa kl. 9, for...
Breyting á deiliskipulagi í flatey
Leikskólakennsla
Breyting á deiliskipulagi í Flat...