Obama og Bush áhyggjufullir

Fyrrverandi forsetar Bandaríkjanna, Barack Obama og George W. Bush, hafa lýst yfir áhyggjum af stöðu mála í bandarískum stjórnmálum. Ummæli þeirra eru sögð gagnrýni á leiðtogahæfni Donalds Trump Bandaríkjaforseta.

Obama hvatti Bandaríkjamenn til að hafna stjórnmálum þar sem óttinn sé í fyrirrúmi og fólki mismunað eftir þjóðfélagsstöðu. Bush gagnrýndi „yfirgang og fordóma“ á opinberum vettvangi.

Obama og Bush héldu ræður sínar hvor í sínu lagi og hvorugur þeirra minntist á Trump með nafni.

Trump, sem hefur gagnrýnt þessa forvera sína í embætti, hefur ekki tjáð sig um ræðurnar.

Obama ósáttur við stöðu mála

Venjan er sú að fyrrverandi forsetar gagnrýna ekki eftirmenn sína.

Þrátt fyrir að hafa talað um að gagnrýna Trump ekki eftir forsetatíð sína hefur Obama gefið út yfirlýsingar vegna tilrauna hans til að draga Obamacare-löggjöfina til baka og fyrir ferðabann hans gagnvart múslimum, auk ákvörðunar Trumps um að ganga út úr Parísarsamkomulaginu.

Obama sagði á kosningafundi demókrata í New Jersey að Bandaríkjamenn ættu að „senda skilaboð til heimsins um að við höfnum stjórnmálum sem fela í sér mismunun. Við höfnum stjórnmálum þar sem alið er á ótta.“

Hann bætti við: „Við getum ekki búið við þessa sömu gömlu mismunun í stjórnmálum sem við höfum séð svo oft áður og nær margar aldir aftur í tímann,“ sagði Obama.

„Við héldum að við hefðum sagt skilið við sumt sem gengur á í pólitíkinni núna. Þarna er fólk að horfa 50 ár aftur í tímann. Þetta er 21. öldin, ekki sú nítjánda.“

Á öðrum fundi í Virginíu sagði Obama: „Sumt fólk reynir vísvitandi að reita fólk til reiði, að tala um fólk sem illmenni sem hefur aðrar skoðanir, að gera allt vitlaust vegna þess að það veitir því taktískt forskot til skamms tíma.

Barack Obama í ræðustólnum í Virginíu.
Barack Obama í ræðustólnum í Virginíu. AFP

„Ofstæki hefur aukist“ 

George W. Bush hafði þetta að segja á fundi í New York, nokkrum klukkustundum fyrir fund Obama í Virginíu: Ofstæki hefur aukist. Stjórnmálin í dag virðast vera viðkvæmari fyrir samsæriskenningum og einskærum uppspuna. Það eru nokkur merki um að dregið hafi úr stuðningi við lýðræðið, sérstaklega á meðal ungs fólks,“ sagði Bush.

„Þjóðerniskennd hefur verið afskræmd og henni breytt í þjóðernishyggju. Gleymst hefur hve miklu máli innflytendur hafa skipt Bandaríkin.“

George W. Bush, fyrrverandi Bandaríkjaforseti.
George W. Bush, fyrrverandi Bandaríkjaforseti. AFP
mbl.is

Frá Sýrlandi til Evrópu - Greinaflokkur

Gisting Akureyri Geldingsá
3ja herbergja neðri hæð , 7 km. frá Akureyri.. Umbúin 5 rúm m/handkl. Verð o...
ALLT MILLI HIMINS OG JARÐAR !!!!!!!!!!
NOTAÐ&NÝTT er ný verslun á Skemmuvegi 6 á bak við BYKO. Mikið úrval af fallegum ...
Ertu komin í saumaskap ?
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
https://www.funiceland.is - Ferðavefur
FunIceland.is er ferða- og upplýsingavefur um náttúru Íslands. Skoðaðu vefinn m...
 
Breytt deiliskipulag arnarfelli
Fundir - mannfagnaðir
Auglýsing Breytt deiliskipulag að ...
Skrifstofuherbergi til leigu
Atvinnuhúsnæði
Skrifstofuherbergi til leigu Til leigu...
L edda 6018011619i
Félagsstarf
? EDDA 6018011619 I Mynd af auglýsin...
Byggðakvóti
Tilkynningar
Auglýsing vegna úthlutunar byggða...