Dæmdur fyrir að níðast á múslimum

Bandarískir landgönguliðar.
Bandarískir landgönguliðar. AFP

Bandarískur liðþjálfi var dæmdur í dag í tíu ára fangelsi fyrir að níðast á fjölmörgum nýliðum í landgönguliði Bandaríkjanna sem játa íslamstrú. Fórnarlömb liðþjálfans, Josephs Felix, eru á annan tug og lét eitt þeirra lífið á síðasta ári.

Fram kemur í frétt AFP að níðingsverk sín hafi Felix stundað í herstöðinni Parris Island í Suður-Karólínu en þar sinnti hann þjálfun nýliða. Fleiri yfirmenn komu við sögu en herdómstóll taldi Felix hafa borið mesta ábyrgð.

Nýliðarnir voru kallaðir hryðjuverkamenn og tveir þeirra voru neyddir til þess að fara inn í stóra fataþurrkara. Í eitt skiptið var þurrkarinn settur í gang með nýliðunum innaborðs þegar þeir höfnuðu því að segja skilið við trú sína.

Einn nýliðanna, Raheel Siddiqui, lét lífið í mars á síðasta ári eftir að hafa þurft að þola meðferð sem gekk miklu lengra en þær kröfur sem gerðar eru til nýliða. Andlát hans var skilgreint sem sjálfsvíg sem fjölskylda hans hafnaði.

Dómurinn yfir Felix er þyngri en saksóknarar fóru fram á sem var sjö ára fangelsi. Málinu verður sjálfkrafa áfrýjað í ljósi þess hversu þungur hann er.

mbl.is
HRINGSTIGAR _ HRINGSTIGAR
Hringstigar, úti sem inni. Þvermál 120, 130, 140, 150, 160, 170 cm og sérsmíði í...
Óléttubekkur aðeins 69.000 beige eða cinnamon á litinn
Egat Era Óléttubekkur www.egat.is sími 8626194 Verð:69.000 vatns og olíuheldur...
 
Aðalfundur
Fundir - mannfagnaðir
Aðalfundur Hollvina í kvöld 25. apríl...
Tillaga að deiliskipulagi
Tilboð - útboð
Tillaga að nýju deiliskipulagi í...
Hádegisfundur
Fundir - mannfagnaðir
ses.xd.is Samtök eldri sjálfstæði...
Félagsstarf
Staður og stund
Aflagrandi 40 Opin vinnustofa kl. 9 og f...