Vanmetur viðbrögðin og ofmetur eigið ágæti

Palestínskir mótmælendur brenna myndir af Donald Trump Bandaríkjaforseta.
Palestínskir mótmælendur brenna myndir af Donald Trump Bandaríkjaforseta. AFP

„Þessi ákvörðun forsetans á eftir að draga marga þunga dilka á eftir sér og það á mörgum á ólíkum sviðum,“ segir Magnús Þorkell Bernharðsson, prófessor í sagnfræði við Williams College í Bandaríkjunum, í samtali við mbl.is um þá ákvörðun Donalds Trump Bandaríkjaforseta að viðurkenna Jerúsalem sem höfuðborg Ísraels.

„Í fyrsta lagi er hún táknræn fyrir það að Bandaríkjamenn og þar með einnig Ísraelar hafa ekki lengur áhuga á að vinna eftir tveggja ríkja lausninni sem hefur verið ráðandi alla götur frá Oslóar samkomulaginu. Þetta er enn einn naglinn í líkkistu þess. Í öðru lagi á þetta eftir að auka hróður hægri afla í Ísrael og vænka hag Benjamins Netanyahu forsætisráðherra. Í þriðja lagi passar þetta vel við þá ímynd sem Trump vill halda á lofti, nefnilega að hann sé öðruvísi stjórnmálamaður og allt öðruvísi pólitíkus en forverar hans,“ segir Magnús. Meðal stuðningsmanna hans sé þetta mjög vinsæl ákvörðun.

Magnús Þorkell Bernharðsson prófessor.
Magnús Þorkell Bernharðsson prófessor.

„Hann metur það sem svo að hann hefur engu að tapa með þessari ákvöðrun. En væntanlega er forsetinn að ofmeta eigið ágæti og á sama tíma að vanmeta stórlega hvernig fólk muni bregðast við víða um heim. Hann vanmetur hversu umfangsmikil viðbrögðin munu verða. Það er erfitt að segja til um það nákvæmlega en þetta á eftir að virkja marga til aðgerða. Viðbrögðin munu ekki láta á sér standa. Afleiðingarnar gætu verið mjög alvarlegar. Sérstaklega verður fróðlegt að fylgjast með viðbrögðum Tyrklands, Írans, Hizbollah og Egyptalands. Þá er þetta mikið próf fyrir Muhammad Bin Salman, hinn nýja krónprins Sádi Arabíu,“ segir hann.

Spurður um tímasetningu ákvörðunnar segir Magnús: „Tímasetningin tengist að einhverju leyti því að Bandaríkjaforseti á að framlengja á sex mánaða fresti starfsleyfi sendiráðsins í Tel Aviv. Og það var komið að ákveðnum fresti hvað það varðar. En þar sem farið er að hitna í kolunum hvað varðar rannsóknir alríkislögreglunnar á Trump-stjórninni má ætla að tímasetningin sé einnig til komin til að þjappa stuðningsmönnum hans saman á meðan að sótt er að Trump úr mörgum áttum.“

mbl.is
Síðumúli - Gott skrifstofuherbergi
Gott skrifstofuherbergi til leigu í Síðumúla. Stærð um 20 m2. Sameiginlegur elhú...
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
CANON EOS NÁMSKEIÐ 26. FEB. - 1. MARS
3ja DAGA NÁMSKEIÐ FYRIR CANON EOS 26. FEB. - 1. MARS ÍTARLEGT NÁMSKEIÐ FYRI...
Óléttubekkur aðeins 69.000 beige eða cinnamon á litinn
Egat Era Óléttubekkur www.egat.is sími 8626194 Verð:69.000 vatns og olíuheldur...
 
Útkeyrsla - lagermaður
Lager/útkeyrsla
Útkeyrsla/ Lagermaður óskast E...
Félagsstarf
Staður og stund
Aflagrandi 40 Opin vinnustofa frá kl. 9,...
Aflamark
Tilkynningar
??????? ??????????????? ? ??? ?? ????...
Bækur til sölu
Til sölu
Bækur til sölu Menntamál 1.-42. árg. ...