Krefja Trump um afsökunarbeiðni

Donald Trump, forseti Bandaríkjanna. Ríki Afríkusambandsins krefja hann nú um ...
Donald Trump, forseti Bandaríkjanna. Ríki Afríkusambandsins krefja hann nú um afsökunarbeiðni á orðum sínum í garð Afríkuríkja. AFP

Ríki Afríkusambandsins krefjast þess að Donald Trump Bandaríkjaforseti biðjist afsökunar á að hafa kallað lönd þeirra „skítalönd“. Sendiherrar ríkjanna hjá Sameinuðu þjóðunum lýstu í gærkvöldi yfir „hneykslan, vantrú og reiði“ yfir þessum orðum forsetans og sögðu stjórn Trump skorta skilning á Afríkubúum að því er BBC greinir frá.

Sögðu sendiherrarnir að sér væri „verulega misboðið" vegna niðrandi ummæla forsetans og fóru fram á að hann drægi þau til baka. Þetta kemur fram í ályktun sem sendiherrar 55 Afríkuríkja samþykktu á fundi sem blásið var til í tilefni frétta af ummælum Trumps.

Um­mæl­in á Trump að hafa látið falla á fundi með þing­mönn­um í for­seta­skrif­stofu sinni í Hvíta hús­inu í gær. Skíta­lönd­in (shit­hole countries) sem um ræðir eru Haítí, El Sal­vador og ríki Afr­íku. Forsetinn hafnar því hins vegar alfarið að hann hafi notað svo gróf orð og hafa tveir fulltrúar repúblikana sem sátu fundinn stutt þá fullyrðingu hans. Öldungadeildarþingmaðurinn og demókratinn Dick Durbin sem einnig sat fundinn segir Trump hins vegar ítrekað hafa kallað Afríkuríki skítalönd og að önnur ummæli hans hafi einkennst af kynþáttafordómum.

Sjálfur sagði Trump á Twitter í gær að hann hefði vissulega tekið harkalega til orða í umræðum um innflytjendalöggjöf, en að þetta „væru ekki orðin sem hann hefði notað“.

mbl.is

Bloggað um fréttina

LÚGUSTIGAR - 4 STÆRÐIR Á TILBOÐI
Vel einangraðir lúgustigar 58x85, 68x85 og 55x113 Einnig Álstigi 45,7x56 Á Face...
Nudd Nudd Nudd
Relaxing Massage Downtown Reykjavik. S. 6947881, Alina...
Mjög góður Runó Megane
Runó Mjög góður Runó til sölu. Bíllinn er mjög vel og lítið ekinn eða 162.000 k...
Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...