Heita umbótum eftir mikil mótmæli

Mikil mótmæli hafa verið í Túnis undanfarna daga og hafa ...
Mikil mótmæli hafa verið í Túnis undanfarna daga og hafa rúmlega 800 manns verið handteknir. Hér lýstur öryggislögreglu saman við mótmælendur. AFP

Stjórnvöld í Túnis hafa tilkynnt um umbætur á félagslega kerfinu í landinu í kjölfar mikilla mótmæla undanfarið. Sjö ár eru nú frá því að fyrrverandi forseta landsins, Zine al-Abidine Ben Ali, var steypt af stóli í miklum mótmælum sem voru upphaf arabíska vorsins svonefnda. Rúmlega 800 mótmælendur hafa verið handteknir undanfarna daga.

BBC segir ríkisstjórn Túnis hafa haldið  neyðarfundi í kjölfar mótmælanna og hefur stjórnin nú lagt fyrir þingið frumvarp um umbætur á heilbrigðiskerfinu og húsnæðiskerfinu, sem og um aukna aðstoð við þá efnaminnstu.

Mótmælin hófust í byrjun þessa mánaðar eftir að stjórnvöld greindu frá hækkun ýmissa gjalda og nýjum skattaáformum.

Alþjóðagjaldeyrissjóðurinn hafði áður tilkynnt stjórnvöldum í Túnis í desember að ríkið yrði að grípa samstundis til aðgerða til að draga úr fjárlagahalla sínum.

Ríkisstjórnum undanfarinna ára hefur ekki tekist að draga úr atvinnuleysi eða fátækt í landinu og ferðamannaiðnaðurinn í landinu hefur átt erfitt uppdráttar eftir hryðjuverkaárásir, sem beindust gegn útlendingum í Túnis árið 2015 og kostuðu tugi manns lífið.

mbl.is
Þetta sagði Bjarni Benidikstson á lansdfundi sjálfstæðisflokki 2013
„Ef dugandi fólks og lækna hefði ekki notið við á Landspítalanum hefði ég ...
fágætar bækur til sölu
ti lsölu nokkrar fágætar bækur Fjórir leikþættir eftir Odd Björnsson með teik...
Ódýr Nýr Ferðanuddbekkur nokkur stk 46.000 www.egat.is
- Hægt að hækka og lækka bak eins og hentar - Ferðataska fylgir - þyngd 18.5 k...
Harðviður til húsbygginga
Harðviður til húsabygginga Sjá nánar á www.vidur.is Vatnsklæðning, panill, palla...