Þýska lögreglan handtók 15 ára gamlan dreng vegna gruns um að hafa myrt bekkjabróður sinn. Árásarmaðurinn stakk dreng í hálsinn í skóla í borginni Luenen í vesturhluta Norður-Rínar-Westfalen. Hann veitti enga mótspyrnu við handtöku eftir að þyrla hafði leitað að honum úr lofti.
Árásarmaðurinn myrti skólabróður sinn fyrir framan móður sína en hún hafði komið með honum á fund vegna deilna piltanna tveggja. Drengurinn var þekktur fyrir árásárgjarna hegðun. Ekki er talið líklegt að drengurinn hafi ætlað að ráðast á fleiri í skólanum, að sögn lögreglu.
Í skólanum eru um þúsund nemendur. Á morgun verður haldin minningarstund í skólanum og einnig í ráðhúsinu þar sem hins látna verður minnst með einnar mínútu þögn.
Báðir drengirnir eru sagðir þýskir ríkisborgarar en sá grunaði er einnig sagður vera frá Kasakstan.