Lýsir sig sekan af árásinni í Stokkhólmi

Johan Eriksson, verjandi Akilovs á blaðamannafundi í lok janúar. Réttarhöld ...
Johan Eriksson, verjandi Akilovs á blaðamannafundi í lok janúar. Réttarhöld eru hafin yfir Akilov. AFP

Rakhmat Akilov, hælisleitandi frá Úsbekistan sem myrti fimm manns er hann ók niður gangandi vegfarendur í Stokkhólmi í apríl í fyrra, játaði fyrir rétti í dag að hafa viljað aka niður „trúleysingja“.

Réttarhöld yfir Akilov hófust í dag og lýsti Akilov yfir játningu sinni er hann stóð í handjárnum fyrir framan dómarann.

Mikil öryggisgæsla er í réttarsalnum. Akilov, sem hafði verið synjað um hæli í Svíþjóð 2016, segist hafa heitið hryðjuverkasamtökunum Ríki íslams hollustu sinni kvöldið áður en hann gerði árásina. Ríki íslams hefur hins vegar aldrei lýst yfir ábyrgð á árásinni.

Akilov stal flutningabíl síðdegis föstudaginn 7. apríl og ók honum niður göngugötu í miðbænum þar sem mikið fjölmenni var á ferli. Akilov sveigði bílinn til og frá til að ná að aka á sem flesta. Fimm létust í árásinni og tíu til viðbótar særðust.

„Akilov tók bílinn og ók eins og saksóknari lýsti. Hann drap fimm manns og særði 10,“ sagði verjandi hans  Johan Eriksson. „Tilefnið var að valda ótta og fá Svíþjóð til að binda endi á þátt sinn í baráttunni gegn Ríki íslams,“ bætti hann við.

Akilov flúði af vettvangi og var handtekinn nokkrum klukkustundum síðar. Hann játaði árásina við yfirheyrslur.

mbl.is
KTM 1090 Adventure R árg. 2018 á lager
"Farðu alla leið" frábært ferðahjól, aðeins 207 kg. 125 hp. 6 gíra. Mikið úrval ...
Toyota Corolla Wagon 1.6 SOL 2005 ek 92 þús
Ekinn 91 þús km Beinskiptur AC Digital miðstöð Aksturtölva 2 eigendur Sko...
KTM 390 Duke árg. 2018
Eigum á lager til afgreiðslu strax. Frábært 150 kg. hjól, 44 hp. 6 gíra. Létt og...
 
Skólastjóri tónlistarskólans
Listir
Laus störf í Skaftárhreppi Starf ...
Fræðslufulltrúi 50%
Önnur störf
Fræðslufulltrúi - 50...
Mannauðsstjóri rykjanesbær
Stjórnunarstörf
Reykjanesbær er fimmta stærsta sveitarfé...
Félagsstarf
Staður og stund
Aflagrandi 40 Opin vinnustofa kl. 9 og f...