Ösku Hinriks dreift í hafið

Blóm hafa verið lögð fyrir framan Amalíuhöll í dag vegna ...
Blóm hafa verið lögð fyrir framan Amalíuhöll í dag vegna andláts Hinriks prins. AFP

Útför Hinriks prins fer fram þriðjudaginn 20. febrúar. Lík hans verður brennt. Helmingi öskunnar verður dreift yfir sjó við strendur Danmerkur og hinn helmingurinn verður jarðsettur í einkagrafreit við höllina í Fredensborg. Almennur aðgangur verður ekki að leiðinu að því er segir í fréttatilkynningu frá dönsku konungsfjölskyldunni.

Hinrik, eiginmaður Margrétar Danadrottningar, lést í gærkvöldi, 83 ára að aldri. Hann fékk lungnabólgu í janúar og í kjölfarið far hann greindur með góðkynja æxli í öðru lunganu. Hann var fluttur til hallarinnar í Fredensborg í gærdag þar sem hann lést svo um kvöldið í faðmi fjölskyldu sinnar.

Að ósk Hinriks verða aðeins hans nánustu aðstandendur viðstaddir útförina. Það var einnig hans ósk að hann fengi ekki opinbera útför.

Á morgun verður líki hans ekið frá höllinni í Fredensborg á Norður-Sjálandi til Amalíuborgar. Almenningi gefst tækifæri til að kveðja hann hinstu kveðju því kista hans mun standa  í kirkjunni við Kristjánsborgarhöll á laugardag, sunnudag og mánudag. 

Margrét heilsaði fólki við höllina

Margrét drottning heilsaði fólki fyrir utan höllina í Fredensborg í dag en þar hafa hundruð blóma verið lögð í dag í minningu Hinriks. „Þetta er drottningin í hnotskurn,“ segir Trine Larsen, fréttamaður hjá Billed-Bladets sem sérhæfir sig í fréttum af kóngafólkinu. „Að hún hafi styrk til að koma fram, heilsa og brosa svo stuttu eftir fráfall eiginmanns síns.“

mbl.is

Bloggað um fréttina

NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
Olíumálverk eftir Ásgrím Jónsson
Olíumálverk eftir Ásgrím Jónsson, málað í Húsafelli. Stærð ca. 70x63 cm. Uppl í ...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
Sumardekk Sub.Legacy 205/55,R16 tilSölu
Fjögur sumardekk á 12þús.kr,alls.205/55,R16 (91V).Uppl.síma 845-9904.Notuð í eit...
 
Starfsmaður í þjónustu við atvinnutæki
Önnur störf
STARFSMAÐUR Í þjónustu við atvinnutæki ...
Félagsstarf
Staður og stund
Aflagrandi 40 Opin vinnustofa kl. 9. Gön...
Félagsstarf
Staður og stund
Aflagrandi 40 Opin vinnustofa kl. 9, nú ...
Kennarar
Afgreiðsla/verslun
Okkur vantar kennara í Borgarhólsskó...