Önnur tilraun í Armeníu 8. maí
Setja bókamerki
Armenska þingið mun koma saman 8. maí til að kjósa nýjan forsætisráðherra. Síðasta tilraunin til þess mistókst þegar þingið felldi kjör leiðtoga stjórnarandstöðunnar, Nikol Pashinyan, í embættið.
„Hinn 8. maí mun armenska þingið hefja viðræður um spurninguna um kjör á nýjum forsætisráðherra,“ sagði Ara Babloyan, forseti þingsins.
Ef ekki tekst að kjósa forsætisráðherra í annarri tilraun verður þingið leyst upp og boðað til kosninga.
Tugir þúsunda Armena hafa mótmælt stöðu mála í höfuðborg landsins.
Mikilvæg samgöngukerfi hafa verið stífluð, ásamt stjórnarbyggingum. Mótmælendur hafa verið af öllum toga, þar á meðal eldra fólk og nemar. Þjóðfánanum hefur verið veifað og fólk hefur hrópað: „Frjáls, sjálfstæð Armenía!“
Pashianyan leiddi mótmælagöngu og hét hann því að auka þrýsting á stjórnvöld. „Margir möguleikar eru í stöðunni og þegar hver og einn þeirra er skoðaður er ljóst að fólkið mun bera sigur úr býtum,“ sagði hann.
Ætla ekki að gefast upp
„Fólkið mun ekki gefast upp, mótmælunum mun ekki linna,“ sagði Sergey Konsulyan, 45 ára kaupsýslumaður.
Gayane Amiragyan, 19 ára nemi, bætti við: „Við munum sigra vegna þess að við erum samstíga. Öll armenska þjóðin stendur saman.“
Sex hafa greinst með listeríu
Telur forsendur fyrir vaxtalækkun
Skiptir miklu meira máli en fólk grunar
Væri að ljúga ef ég segðist ekki stressaður
Bergnuminn í Hvalfirði
Frambjóðendur skila inn listum í Hörpu