Frakkar fordæma ummæli Trump

Frakkar lýsa yfir vanþóknun inni á ummælum Trump sem hann ...
Frakkar lýsa yfir vanþóknun inni á ummælum Trump sem hann lét falla á ráðstefnu NRA í gær. AFP

Frakkar fordæmdu í dag ummæli sem Donald Trump, forseti Bandaríkjanna, lét falla  á ráðstefnu skotvopnaeigenda (NRA) í Dalls í Texas í gær. En hann sagði meðal annars að byssur hefðu geta stöðvað hryðjuverkaárásirnar á Bataclan-skemmtistaðnum og á þjóðarleikvanginum í París í nóvember 2015. AFP-fréttastofan greinir frá.

Trump myndaði byssu með fingr­um sér og hrópaði „búmm“ á áhorf­end­ur. „Ef aðeins einn starfsmaður eða gest­ur hefði verið með byssu [...] ef ein mann­eskja í þessu her­bergi hefði verið með byssu, þá hefðu árás­ar­menn­irn­ir verið stöðvaðir,“ sagði hann. „Hryðju­verka­menn­irn­ir hefðu flúið eða verkið skotn­ir og niðurstaðan hefði orðið allt önn­ur.“

For­set­inn gerði sér því næst mat úr þeim fjölda sem lést í árás­un­um. „Eng­inn er með byss­ur í Par­ís. Eng­inn og við mun­um öll þessa 130, auk þess mikla fjölda sem særðist hræðilega illa. Fólkið dó á veit­inga­stöðum og ýms­um öðrum stöðum í ná­vígi. Það var myrt með grimmi­leg­um hætti af hryðju­verka­mönn­um sem voru með byss­ur. Þeir tóku sinn tíma og skutu fólkið eitt af öðru.“

Í yfirlýsingu frá talskonu franska utanríkisráðuneytisins er Trump beðinn um að sýna þeim létust í árásunum virðingu. „Frakkar vilja koma á framfæri vanþóknun sinni vegna ummæla sem Donald Trump, forseta Bandaríkjanna, um árásirnar í París þann 13. Nóvember árið 2015, og biðja hann um að sýnu minningu fórnarlambanna virðingu,“ segir í yfirlýsingu.

mbl.is

Bloggað um fréttina

EAE Bilalyftur
Bílalyftur allar gerðir, eigum á lager 4 tonna 2 pósta og 3 t í gólf og 1 metra ...
fágætar bækur til sölu
til lsölu nokkrar fágætar bækur Sneglu-Halli eftir Símon Dalaskáld Guðmundar...
UNDIR ÞESSU MERKI SIGRAR ÞÚ
Hálsmen úr silfri 6.900 kr., gulli 49.500 kr., (silfur m. demanti 11.500 kr., g...