Eiginkona kylfings handtekin eftir heimilisofbeldi

Lucas Glover.
Lucas Glover. AFP

Eiginkona bandaríska kylfingsins Lucas Glover var handtekin af lögreglu á laugardagskvöldið eftir harðvítugar deilur við Glover og móður hans. Deilurnar spruttu í kjölfar þess að Glover  tókst ekki að komast í gegnum niðurskurðinn á Players Championship.

Krista Glover, 36 ára, var vistuð í fangelsi í Flórída en látin laus gegn 2.500 Bandaríkjadala tryggingu. Þetta kemur fram í frétt Miami Herald. Henni er gert að mæta aftur í réttarsalinn 31. maí þar sem hún verður væntanlega ákærð fyrir heimilisofbeldi og sýndi mótspyrnu við handtöku.

AFP vísar í Miami Herald sem hefur undir höndum afrit af lögregluskýrslunni. Til harkalegra deilna kom á milli hjónanna í húsi sem þau leigja á Flórída eftir lélegan dag hjá Glover á golfvellinum í Ponte Vedra Beach.

Glover tjáði lögreglumönnunum að ef hann standi sig ekki vel á golfmótum í PGA mótaröðinni verði eiginkona hans mjög viðskotaill. Að sögn lögreglu reyndi móðir Glover að skerast í leikinn en var slegin í brjóstið. Enginn slasaðist alvarlega í átökunum. 

Glover, sem er 38 ára, fór með málið á Twitter þar sem hann sagðist ekki hafa neinn áhuga á því að eiginkona hans yrði handtekin. „Öllum líður vel,“skrifar hann. Hann segir að það muni koma fram síðar hvað gerðist nákvæmlega og að Krista verði hreinsuð af sök í þessu einkamáli þeirra.

PGA Tour hefur sent frá sér yfirlýsingu um að sambandið sé reiðubúið til þess að veita aðstoð ef þurfa þykir.  

Glover-hjónin gengu í hjónaband árið 2011 og eiga tvö börn.

mbl.is

Bloggað um fréttina

Rafstöðvar DEK 30 KW 400/230 50 HZ Deutz 50 kw
Rafstöðvar varafl , 30 kw og 50 kw ,útvegum allar stærðir.Verð frá 990þ +vsk Vi...
Klettar - Heilsárshús - 65fm + 35fm svefnloft
Splunkunýtt! Klettar - Heilsárshús Klettar er heilsárshús sem flestir ættu að...
Fullbúin íbúð til leigu..
Íbúðin er 3ja herb. í Norðlingaholti á efstu hæð með lyftu. leigist með húsgö...
www.flutningur.is 5753000 sendibilastöð
Stöðin býður upp á allar stærðir sendibíla og veitir trausta og umfram allt góð...