Viðskiptaþvinganir gagnvart N-Kóreu í fullu gildi
Setja bókamerki
Viðskiptaþvinganir gagnvart Norður-Kóreu verða í fullu gildi þar til ríkið hefur hætt allri kjarnorkuframleiðslu og kjarnorkutilraunum. Þetta fullyrti Mike Pompeo, utanríkisráðherra Bandaríkjanna, á blaðamannafundi í Tokyo eftir fund með starfsbræðrum sínum frá Japan og Suður-Kóreu.
Pompeo er nýkominn frá Norður-Kóreu þar sem hann átti fund með Kim Yong-chol, embættismanni Norður-Kóreustjórnar. Á fundinum var kjarnorkusamkomulag Bandaríkjanna og Norður-Kóreu til umræðu og sagði Pompeo eftir fundinn að árangur hefði náðst. Stjórnvöld í Norður-Kóreu voru ekki sama sinnis og sendu frá sér yfirlýsingu þar sem segir að afstaða Bandaríkjanna til samningsins sé sorgleg og valdi þeim áhyggjum.
Pompeo er sannfærður um að árangur hafi náðst í viðræðunum, en að það eitt og sér nægi ekki til að slaka á viðskiptaþvingunum. Pompeo ræddi niðurstöðu fundarins með norður-kóreskum yfirvöldum við ráðamenn frá Suður-Kóreu og Japan í Tokyo í gær.
Utanríkisráðherrann verður áfram á faraldsfæti og heldur næst til Víetnam og Abu Dhabi. Því næst heldur hann á fund NATO-ríkja í Brussel í vikunni þar sem Donald Trump Bandaríkjaforseti verður einnig viðstaddur.
Kaldasti veturinn kom að óvörum
Gígbarmurinn hækkað frá því í gær
„Höfum ekki náð að skríða upp úr þeirri gryfju“
„Umsátursástand“
Tveir í bílnum sem lenti utan vegar
Hvorki sést áður hér á landi né annars staðar
Banna mengandi búnað sem leyfður er á Íslandi
/frimg/1/48/74/1487454.jpg)
Heldur inn í nóttina tuttugu kílóum léttari