Leiðtogar Norður- og Suður-Kóreu ætla að funda í þriðja sinn í Pyongyang, höfuðborg Norður-Kóreu, í september. Þetta tilkynntu stjórnvöld í Suður-Kóreu í morgun. Gert er ráð fyrir að fundurinn fari fram 18.-20. september samkvæmt frétt AFP.

Fram kemur í fréttinni að leiðtogarnir tveir ætli að ræða raunsæjar leiðir að kjarnorkuafvopnun á Kóreuskaganum. Ráðamenn í Suður-Kóreu vonast til þess að hægt verði að þoka málum lengra áleiðis í þeim efnum í kjölfar fyrri funda leiðtoganna tveggja. 

Þjóðaröryggisráðgjafi Suður-Kóreu, Chung Eui-yong, fór til Norður-Kóreu í gær til þess að afhenda Kim Jong-un, leiðtoga landsins, persónulega bréf frá Moon Jae-in, forseta Suður-Kóreu. Sagði hann Kim hafa ítrekað heit sitt um kjarnorkuafvopnun.

Tengdar fréttir

Norður-Kórea

Skutu langdrægu flugskeyti á loft

• Zhao heimsækir Norður-Kóreu
• Segir Kishida vilja funda með Kim Jong-un
• 12 ára þrælkunarvinna fyrir sjónvarpsgláp
• Heræfing nærri suðurkóreskri lögsögu

» Fleiri tengdar fréttir

• Blogga um frétt