Meng Hongwei hefur sagt upp störfum sem forseti alþjóðalögreglunnar Interpol. Þetta kemur fram í tilkynningu frá stofnuninni.
Þar segir að uppsögnin taki strax gildi og að aðstoðarforsetinn, Kim Johng Yang frá Suður-Kóreu, hafi tekið við sem starfandi forseti.
Statement by the INTERPOL General Secretariat on the resignation of
— INTERPOL (@INTERPOL_HQ) October 7, 2018
Meng Hongwei. pic.twitter.com/c2daKd9N39
Meng sætir nú rannsókn í Kína og liggur undir grun fyrir lögbrot, að því er sagði í tilkynningu sem Almannaeftirlitsnefnd Kína birti á vefsíðu sinni fyrir skömmu.
Ekkert hefur spurst til Meng síðan 25. september.
Lyndistákn (e.emoji) af hnífi voru meðal síðustu skilaboðanna sem Grace Meng, eiginkona Mengs, fékk áður en hann hvarf.