Erlent | mbl | 23.2.2019 | 7:53

Knight Craft til Sameinuðu þjóðanna

Kelly Craft er sendiherra Bandaríkjanna í Kanada. AFP

Donald Trump hefur tilkynnt áætlanir sínar um að tilnefna Kelly Knight Craft, sendiherra Bandaríkjanna í Kanada, sem nýjan fastafulltrúa Bandaríkjanna hjá Sameinuðu þjóðunum.

Knight Kraft mun því að öllum líkindum taka við stöðu Nikki Haley, en Trump hafði áður tilnefnt Heather Nauert, talsmann bandaríska utanríkisráðuneytisins, til þess að taka við af Haley. Nauert dró framboð sitt hins vegar til baka í síðustu viku.

Frétt af mbl.is

Tilnefnd sem sendiherra hjá SÞ

Bandaríkjaforseti tilkynnti um áætlanir sínar á Twitter í gærkvöld og sagði Knight Craft hafa staðið sig óaðfinnanlega í núverandi starfi. Hann hafi engar efasemdir um að hún verði Bandaríkjunum góður forsvarsmaður hjá Sameinuðu þjóðunum.

....Kelly has done an outstanding job representing our Nation and I have no doubt that, under her leadership, our Country will be represented at the highest level. Congratulations to Kelly and her entire family!
— Donald J. Trump (@realDonaldTrump) 22 February 2019

Nikki Haley hefur óskað væntanlegum arftaka sínum til hamingju.

Congratulations to Kelly Craft. She’s done a great job representing us as @USAmbCanada and we know she’ll be a strong voice for America at the United Nations. #USstrong🇺🇸 https://t.co/5zude3JVXs
— Nikki Haley (@NikkiHaley) 22 February 2019