Katrín Jakobsdóttir, forsætisráðherra Íslands, bættist í kvöld í hóp þeirra sem tjáð hafa sig um brunan í Notre Dame-kirkjunni í París.
Rifjaði forsætisráðherra á Twitter upp heimsókn sína í Notre Dame er hún var tvítug og segir hana hafa verið „ógleymanlega“.
„Að sjá þessa ómetanlegu muni brenna í dag er hrikalegt,“ sagði Katrín.
Visiting Notre Dame when I was twenty was unforgettable. Seeing these invaluable artifacts burning today is devastating. #NotreDame
— Katrín Jakobsdóttir (@katrinjak) April 15, 2019
Emmanuel Macron Frakklandsforseti sagði frönsku þjóðina í heild finna til við að sjá Notre Dame-kirkjuna í París í ljósum logum. Fleiri þjóðarleiðtogar hafa einnig tjáð sig um brunann, þeirra á meðal Angela Merkel Þýskalandskanslari og Donald Trump Bandaríkjaforseti og Theresa May, forsætisráðherra Bretlands, sem sagði hug sinn vera hjá íbúum Frakklands og þeim sem væru að reyna að ráða niðurlögum eldsins.
My thoughts are with the people of France tonight and with the emergency services who are fighting the terrible blaze at Notre-Dame cathedral.
— Theresa May (@theresa_may) April 15, 2019