Aðstoðarborgarstjóri fæðingarbæjar Adolfs Hitlers mun láta af embætti í kjölfar mikillar reiði vegna kvæðis sem hann orti. Í ljóðinu líkir hann flóttafólki við rottur. Flokkur hans, Frelsisflokkurinn (FPÖ), greindi frá þessu í dag.
Ljóð var birt í dagblaði FPÖ um páskana og hefur kanslari Austurríkis sagt það vera rasískt, viðbjóðslegt og ómannlegt. Höfundur ljóðsins Die Stadtratte (Borgarrottur), Christian Schilcher, er aðstoðarborgarstjóri Braunau am Inn.
Leiðtogi FPÖ og aðstoðarkanslari Austurríkis, Heinz-Christian Strache, segir að Schilcher muni láta af embætti og yfirgefa flokkinn.