Þrátt fyrir fimm ára bann tyrkneskra yfirvalda héldu réttindasamtök hinseginfólks og baráttufólk fyrir hinseginréttindum gleðigöngu í borginni Istanbúl í dag. Lögreglan beitti táragasi til þess að leysa upp gönguna.
Þúsundir höfðu mættu á Istikal-breiðgötuna og Taksim-torg þar sem skipuleggjendur ætluðu að hefja gönguna. Þrátt fyrir að gleðiganga hinseginfólks hefur verið bönnuð af svæðisstjóra Istanbul leyfði lögreglan fólki að safnast saman í hliðargötu.
Þar lásu skipuleggjendur Istanbul LGBT+ Pride Week yfirlýsingu. Skömmu eftir að yfirlýsingin var lesin skaut óeirðarlögreglan táragasi að hópnum.
Viðbúnaður lögreglu var mikill í kringum Taksim-torg og var fjöldi gatna lokaðar. Talsverður fjöldi fólks hafði safnast saman og heyrðust slagorð á borð við: „Öxl við öxl gegn fasisma“ og „við munum ekki þegja.“
Amnesty International hefur gagnrýnt tyrknesk yfirvöld fyrir að banna gönguna í nafni almannaöryggis.