Senda annað herskip inn á Persaflóa

Bresk stjórnvöld hafa ákveðið að senda annað herskip inn á Persaflóa til viðbótar við freigátuna HMS Montrose sem kom í veg fyrir það í vikunni að írönskum hermönnum tækist að kyrrsetja breskt olíuskip á leið um flóann.

Frétt af mbl.is

Reyndu að taka breskt olíuskip

Fram kemur í frétt AFP að verið sé að undirbúa tundurspillinn HMS Duncan fyrir það að halda af stað til Persaflóa. Upphaflega stóð til að HMS Duncan tæki við af HMS Montrose en ákveðið var að flýta för tundurspillisins til þess að tvö herskip yrðu til taks á svæðinu næstu vikurnar.

Til stendur að bresku herskipin verði hluti af fjölþjóðlegum herskipaflota sem til stendur að senda til Persaflóa samkvæmt tillögu Bandaríkjamanna á fimmtudaginn.

Bretar kyrrsettu íranskt olíuskip við Gíbraltar á dögunum á þeim forsendum að það væri á leið til Sýrlands í trássi við viðskiptabann Evrópuríkja gagnvart landinu. Írönsk stjórnvöld hótuðu því í kjölfarið að svara með því að kyrrsetja breskt olíuskip.

• Blogga um frétt