Matvælaáætlun Sameinuðu þjóðanna hefur komist að samkomulagi við uppreisnarsveitir húta í Jemen, um að hefja að nýju matvælaaðstoð á yfirráðasvæði skæruliðanna. 

Vannæring í Jemen er gríðarleg eftir fjögurra ára borgarastyrjöld, en Sameinuðu þjóðirnar stöðvuðu matvælainnflutning til yfirráðasvæða húta í síðasta mánuði. 

Samkvæmt nýja samkomulaginu verður Matvælaáætluninni gert kleift að koma nauðsynlegum matvælum með hraði til höfuðborgarinnar Sanaa, sagði yfirmaður stofnunarinnar David Beasley á fundi með öryggisráði Sameinuðu þjóðanna. 

Átökin á milli Húta, sem njóta stuðnings Írans, og bandalagsþjóða undir forystu Sádí-Arabíu sem styðja stjórnvöld í Jemen, hafa orðið tugum þúsunda að bana. Þá lifa um 20 milljónir Jemena við matarskort og óöryggi auk þess sem 3.3 milljónir manna hafa þurft að flýja heimili sín. 

Tengdar fréttir

Jemen

Gerðu enn aðra loftárás á Jemen

• Íranar fordæma árásina en lofa ekki hefndum
• Skutu niður eldflaugina á síðustu stundu
• Náðu að afstýra stórslysi
• Kaupskip hæft með eldflaug

» Fleiri tengdar fréttir

• Blogga um frétt