Fór yfir Ermarsundið á flugbretti

Zapata flýgur yfir Ermasund.
Zapata flýgur yfir Ermasund. AFP

Franska uppfinningarmanninum Franky Zapata tókst í morgun að fljúga fyrstur manna yfir Ermarsundið á flugbretti. 

Zapata, sem er fertugur að aldri, flaug frá Sangatte í norðurhluta Frakklands og lenti í Margrétarflóa í Dover á Englandi. 

Flugbrettið er knúið áfram af með steinolíu sem hann geymir í bakpoka. Leiðin var 35,4 kílómetrar og tók ferðin 22 mínútur á flugbrettinu. 

Zapata var í fylgd þyrla í dag.
Zapata var í fylgd þyrla í dag. AFP

Zapata gerði í júlí fyrstu tilraun sína til að komast yfir sundið á brettinu, en mistókst ætlunarverk sitt vegna vandamála við eldsneytisskipti. 

„Við bjuggum til tækið fyrir þremur árum… og núna höfum við farið yfir sundið, það er magnað,“ sagði Zapata við blaðamenn áður en hann brast í grát. 

„Hvort að þetta sé sögulegur atburður eða ekki, ég er ekki manneskjan til að ákveða það, það mun koma í ljós.“

Zapata ræðir við blaðamenn í gærkvöldi.
Zapata ræðir við blaðamenn í gærkvöldi. AFP

Zapata segist mest hafa náð allt að 170 kílómetra hraða í fluginu. Erfiðasta áskorunin var að skipta um eldsneytisbakpoka á leið sinni yfir sundið. Í fyrri tilraun sinni féll hann í sjóinn áður en hann gat náð til bátsins sem geymdi nýjan bakpoka. Í morgun var stærri bátur notaður auk þess sem þrjár þyrlur fylgdu Frakkanum.

Flugið tók Zapata 22 mínútur.
Flugið tók Zapata 22 mínútur. AFP
mbl.is
Lok á heita potta og hitaveituskeljar
Lok á heita potta og hitaveitu- skeljar Stærðir í cm: 200x200, 210x210, 220x220,...
HARMÓNIKUHURÐIR SPARA MIKIÐ PLÁSS
Smíðum eftir máli, oft afgreiddar samdægurs, verð frá kr. 13.900,- Sími 615 175...
Infrarauðir Hitalampar fyrir allskyns verki 300w
Stórkostleg jákvæð áhrif á gikt, eykur virkni ýmissa ensíma sem bæta blóðrás og ...
Sumar í Biskupstungum...
Eigum laust sumarhús frá 10. ágúst, 2-3 dagar í senn.. Falleg hús með heitum pot...