Ebólublaðamaður myrtur í Kongó
Setja bókamerki
Kongóskur blaðamaður sem sérhæfir sig í vitundarvakningu um ebólufaraldurinn hefur verið myrtur á heimili sínu.
Samkvæmt her Lýðstjórnarlýðveldisins Kongó réðst óþekktur hópur manna inn á heimili Papy Mumbere Mahamba í Lwebbma í norðausturhluta landsins, myrtu hann og særðu eiginkonu hans áður en þeir brenndu hús þeirra til grunna.
Næstversti ebólufaraldur í sögunni gengur nú yfir í Kongó og verður fólk sem vinnur gegn útbreiðslu sjúkdómsins gjarnan fyrir árásum, að því er segir í frétt BBC af málinu.
Þar segir jafnframt að morðið á Mahamba sé líklega komið til vegna tortryggni í garð sjúkdómsins og vantrausti á þeim sem vinna gegn honum.
Ebólufaraldur braust út í Kongó í ágúst 2018 og af 3.000 sem hafa smitast eru 2.000 látnir, samkvæmt tölum frá Alþjóðaheilbrigðismálastofnuninni.
Kaldasti veturinn kom að óvörum
Gígbarmurinn hækkað frá því í gær
Mál hjúkrunarfræðingsins fer aftur fyrir héraðsdóm
Breytingar á skipulagi fréttadeildar RÚV
Nemendur í HÍ reistu tjaldbúðir án leyfis
Krefjast stöðvunar framkvæmda
Skaut sex sinnum að feðginum á aðfangadagskvöld
Hvorki sést áður hér á landi né annars staðar